Zümrüd rəngli Talış dağlarının ətəyində, nəğməli Xəzərin qızıl qumlu sahillərində əsrarəngiz bir şəhər var. Buranı «Cənub mirvarisi, qızıl Lənkəran» adlandırırlar. Yamyaşıl meşələr, baş-başa vermiş dağlar, mavi Xəzər təbiətin Lənkərana bəxşişidir. Seyrindən doymadığımız Hirkan Milli Parki və Qızılağac qoruğu, buz bulaqlar, İstisu qaynar bulaqları onun inciləridir. Bu dilbər güşə rayonun icra başçısının rəhbərliyi və lənkəranlıların zəhməti ilə daha da abadlaşir, gözəlləşir. Bu gözəllikləri isə ancaq görmək, duymaq, yaşamaq lazımdır.
|
20 Yanvar faciəsi respublikamızın hər yerində olduğu kimi Lənkəranda da böyük hüzn və dərin ehtiramla anıldı. Səhərin erkən vaxtlarından Şəhidlər Xiyabanı qarşısında böyük izdiham var idi. İlk olaraq Lənkəran ŞİH başçısının birinci müavini İlqar Dadaşov və digər rəsmilər xiyabanı ziyarət etdilər. Əzəmətli abidə önünə əklil qoyuldu. Şəhidlərin əziz xatirəsi dərin hüznlə yad edildi.
Yanvarin 19-da YAP Lənkəran şəhər təşkilatı Gənclər Birliyi və Lənkəran şəhər Gənclər və İdman idarəsinin təşkilatçılığı ilə 20 Yanvar faciəsinin 22-ci ildönümünə həsr olunan dəyirmi masa keçirilmişdir. YAP Lənkəran şəhər təşkilatının binasında keçirilən tədbirə rayonun gənc fəalları və KİV nümayəndələri qatılmışdır.
Yanvarın 19-da Lənkəran ŞİH başçısının birinci müavini İlqar Dadaşov 20 Yanvar şəhid ailələrinin üzvlərini qəbul etmişdir. İcra rəsmisi şəhid ailələrinin daim dövlətimizin diqqət və qayğısı ilə əhatə olunduğunu qeyd etmiş, bu siyasətin Lənkəranda da uğurla davam etdirildiyini vurğulamışdır.
